Ыам ыйыгар Өймөкөөн улууһугар ойуур баһаара таҕыста. Ыам ыйын 11 күнүнээҕи туругунан региоҥҥа 149 термическай бэлиэ баара биллэр, ол иһигэр киһи дьалаҕай сыһыаныттан.
Бырабыыталыстыба бэрэссэдээтэлин бастакы солбуйааччыта Дмитрий Садовников өрөспүүбүлүкэ олохтоохторугар өссө биирдэ туһаайан Саха сирин территориятыгар өртөөһүн бобуулааҕын эттэ.
«Ыам ыйын бырааһынньыктарын кэмигэр сэрэхтээх буолуу бэрээдэгин тутуспатах 11 киһи административнай эппиэтинэскэ тардылынна. Сэрэтэбин, көҥүлэ суох сиргэ кураанах оту уоттааһын, кутааны оттуу иһин административнай эппиэтинэс сүгүллэр», — диэтэ кини.
Күүстээх тыал уоту түргэнник тарҕатар, онон кутталлаах быһыы-майгы үөскүүр.
Источник: Өрөспүүбүлүкэ сүрүн пресс-сулууспата
