Саха сирин ыраах улустарыгар эмп тэрилтэлэрин сабары эбэтэр үлэлэтэри олохтоохтор бэйэлэрэ быһаарыахтаахтар. Ити туһунан Россия бырабыыталыстыбатын бэрэссэдээтэлэ Дмитрий Медведев эттэ.
Тыа сиригэр баар фельдшердээх, акушердаах пууннары сабар туһунан быһаарыы туһунан ыйытыгы Мииринэй оройуоннааҕы балыыһатын кылаабынай бырааһа Татьяна Стручкова көтөхтө.
«Саха сиригэр суола-ииһэ суох, ыраах сытар нэһилиэнньэлээх пууннар элбэхтэр. Манна эмп тэрилтэтэ булгуччу наалаах. Аҕыйах дьонноох тыа сирдэригэр бу тэрилтэлэри үлэлэтэр туһунан быһаарыы уопсастыбаннай дьүүллэһии түмүгүнэн ылыллара сокуонунан эбэтэр РФ бырбыыталыстыбатын быһаарыытынан мэктиэлэниэн сөп дуо?» — диэн кини этии киллэрдэ.
Дмитрий Медведев ити наадатын чиҥэтэн эттэ. Кини бэлиэтииринэн, «Биир ньыгыл Россия» маныаха анаммыт сокуон барылын оҥорбутун ыйда.
«Бөдөҥ куоракка баар поликлиниканы эбэтэр балыыһаны сабыы уонна үөс сиртэн ыраах, дьоҕус муниципальнай тэриллиигэ эмп тэрилтэтин үлэтин тохтотуу – букатын араас-араас суолталаахтар. Өскөтүн эмп тэрилтэтэ соҕотох буоллаҕына, тэрилтэ үлэлиирин эбэтэр, ол үлэ тохтуурун олохтоохтор бэйэлэрэ быһаараллар. Оччотугар эрэ дьиҥнээх демократия баар диир кыахтанабыт», — диэтэ премьер.
