28 Кулун тутар 28.03
  • -11°
  • $ 92,59
  • 100,27

Дмитрий Медведев: Өлүөнэ өрүһү туоруур муоста наада буоллаҕына, баар буолуо!

10:24, 07 июля 2016
Читайте нас на
Яндекс Новости
ЯДВ

Ленаны туоруур муоста хайаан да тутуллуохтаах, бу туһунан РФ бырабыыталыстыбатын бэрэссэдээтэлэ Дмитрий Медведев Саха сиригэр кэлэ сылдьан эттэ. Кини төһө да үп кыһалҕалара баалларын иһин, бу соругу быһаарарга эрэнэрин биллэрдэ. 


«Муоста тутуутун тула Егор Афанасьевичтыын куруук кэпсэтэбит. Мин толкуйум бигэ: муоста баар буолуохтаах, оннук быһаарыы ылыллыбыт буоллаҕына. Биллэн турар үп кыһалҕалара бааллар, ол гынан баран өрөспүүбүлүкэ Аҕа баһылыгын идеята тыыннаах, онон ол туоларыгар көмөлөһүөххэйиҥ! Бу соругу толоруохпут диэн эрэллээхпин, тоҕо диэтэххэ муоста наада. Өскөтүн наада буоллаҕына, ол аата баар буолуохтаах!» — диэн Дмитрий Медведев «Биир ньыгыл Россия» баартыйа Саха сиринээҕи салаатын активын кытта көрсүһүүтүгэр эттэ.

Өлүөнэ эбэни туоруур муоста тутуутун туһунан дьүүллэһиллибитэ 10 сыл буолла. 2014 сыллаахха бырайыага оҥоһуллубута уонна куонкурус биллэриллибитэ. «Транспортные концессии (Саха)» ХЭУо кыайбыта. Сөбүлэҥ 2015 сыл саҥатыгар түһэрсиллиэхтээҕэ. Ити эрээри үбүлээһин суоҕунан, бырайыак тохтотуллубута.

Билигин муоста тутуутун бүтэһиктээх сылынан 2022 сыл биллэриллэр. Судаарыстыбаннай-чааһынай бииргэ үлэлээһин усулуобуйатыгар тутуллуохтаах. Партнерунан кытай Sinohydro Corporation Limited фирмата, «дочкатынан» PowerChina хампаанньа буолара биллэр.

Следите за самым важным и интересным в Telegram-канале и WhatsApp-группе ЯСИА