29 Кулун тутар 29.03
  • -11°
  • $ 92,26
  • 99,71

Дьиэттэн тахсыбакка олоруу – дьайыылаах ньыма

Читайте нас на
Яндекс Новости
ЯДВ

Бүгүн Саха Өрөспүүбүлүкэтин Ил Дархана Айсен Николаев брифинэ буолла, диэн суруйар edersaas.ru


— Кэтэһиллибитин курдук, бүгүн биир киһи анаалыһа “положительный” диэн бигэргэнэн кэллэ. Бу Нидерландыттан кэлбит Саха сирин олохтооҕо. Онон өрөспүүбүлүкэҕэ ыалдьыбыт киһи ахсаана 16 буолла. Итинтэн 8 киһи үтүөрэн таҕыста, 8 киһи балыыһаҕа эмтэнэ сытар. Кинилэр туруктара үчүгэй. Бу нэдиэлэҕэ үтүөрэн тахсааччылар баар буолуохтара диэн эрэнэбит.
Тэйиччиттэн олорон үөрэнии хас күн аайы кэҥээн иһэр. Үөрэнээччилэр 97 бырыһыаннара маннык үөрэх араас көрүҥнэринэн хабылыннылар. Биһиги 147 тыһыынча үөрэнээччилээхпит. Ол эрээри миэстэлэртэн Интэриниэт бытаанын, үөрэх платформалара нэһиилэ аһыллалларын туһунан этиилэр киирэллэр. Мин түүн дойду Үөрэҕирии министиэристибэтигэр Сергей Кравцов ыыппыт мунньаҕар кытынным. Биир кэлим эксээмэн болдьоҕо көһүөҕэ. Сорохтор БКЭ ыытыллыа суоҕа диэн тарҕаталлара сыыһа. Онон Биир кэлим эксээмэҥҥэ күүскэ бэлэмнэниэхтээхпит, тэрийэр үлэ ыытыллыахтаах. БКЭ күнэ чопчуланыа.
Маны сэргэ Дьокуускай, Жатай, Мииринэй, Нерюнгри олохтоохторо дьиэттэн тахсыбакка олорууну кытаанахтык тутуһуохтаахтар. Таһырдьа сылыйда диэн бас-баттах барар сыыһа. Вирус 4 уонна 5 кыраадыс сылааска өссө тэнийэр. Ону умнумуохха, бу кэмҥэ ыарыы өссө күүскэ тарҕанар кутталлаах. Ыарыы тарҕаныытын көрдөххө, Москваны эрэ буолбакка, Сибииргэ, Уралга, Уһук Илиҥҥэ тарҕанан эрэр. Ыаллыы Бурятияны да көрүҥ. Маннык балаһыанньаҕа дьиэттэн тахсыбакка олоруу – харыстанарга дьиҥнээх дьайыылаах ньыма. Онон ирдэбили кытаанахтык тутуһуохха, — диэтэ суруналыыстарга Айсен Николаев.
Следите за самым важным и интересным в Telegram-канале и WhatsApp-группе ЯСИА