Үлэ министиэристибэтэ иһитиннэрбитинэн, Саха сиригэр тулаайах оҕолору дьиэнэн хааччыйыыга муниципалитеттар ыытар испииһэктэрин болдьоҕо уонна түһүмэҕэ быһаарылынна. Уураах бырабыыталыстыбанан көрүлүннэ.
Тулаайах оҕолору дьиэнэн хааччыйыыга муниципалитеттар уонна боломуочуйалаах уорган бииргэ үлэлээһиннэрин бэрээдэгин бырайыага Үлэ министиэристибэтэ испииһэги оҥорууга сүрүннээн биэриитигэр уонна хонтуруоллааһыныгар ананан тэрилиннэ.
Муниципалитеттар испииһэги оҥорон ыытыыларын болдьоҕо уонна түһүмэҕэ ыйылынна: сылга иккитэ, ол эбэтэр муниципалитеттар докумуону от ыйын 1 уонна ахсынньы 31 күннэрин дааннайынан от ыйын 5 уонна тохсунньу 15 күннэриттэн хойутаппакка ыыталлара быһаарылынна.
Тулаайах оҕону дьиэнэн хааччыйыы испииһэгэр киллэриигэ ирдэнэр доукумуоннар испииһэктэрэ быһаарылынна.
Бэлиэтээн эттэххэ, өрөспүүбүлүкэҕэ билигин 2 268 киһи маннык испииһэккэ турар.
