Диализка сылдьар инбэлииттэри социальнай өйөөһүн суол­татын учуоттаан, министиэристибэ сылга иккитэ куоракка эмтэнэр дьоҥҥо олорор дьиэҕэ ороскуоттарын төлөөһүн көрүлүннэ. Олорор дьиэни арендалыыр киһи ирдэниллэр докумуоннары аҕаллаҕына, көмөнү сыл аҥаарынан эрдэ ылыан сөп.

Олоҕун тухары диализка сылдьар дьону өйүүр туһуттан ми­нистиэристибэ кэккэ дьаһаллары ылар. Ол курдук, 390 итинник киһиэхэ диализ ылар сиригэр барарыгар уонна кэлэригэр 3 тыһыынча суумалаах көмө ый аайы оҥоһуллар. Олорор сирдэрин уонна хомунаалынай өҥөлөрү төлүүллэригэр 1 566,00 суумалаах ыйдааҕы харчынан төлөбүр (ЕДВ) көрүллэр.

Саха сирин диализниктарын уопсастыбата билигин 1 группа­лаах инбэлииттэргэ чэпчэтиилээх дьиэни арендаҕа биэрии боп­пуруоһугар СӨ Тутууга министиэристибэтин кытары үлэлэһэр.

Надежда ЕГОРОВА, «Саха сирэ» хаһыат, edersaas.ru

0
0
comments powered by HyperComments