29 Кулун тутар 29.03
  • -10°
  • $ 92,26
  • 99,71

Дьэр эр дьоно ойуур кыылларын отунан аһаттылар

17:15, 11 февраля 2020
Текст:
Читайте нас на
Яндекс Новости
ЯДВ

Быйылгы кыстык хаара халыҥ уонна уһун тымныылар турдулар. Хаҥалас улууһун Дьэр нэһилиэгин олохтоохторо ойуурга тахсан ырыганнаан эрэр туртастары уонна кыыллары аһаттылар.


Дьэр булчуттара, ол иһигэр баһылык Герасимов Н.Е., аҕа сүбэтин бэрэссэдээтэлэ Бурцев Д.Д. уонна нэһилиэк аҕалара Афанасьев Д.А., Ноев Э.В., эдэр ыччат Заморщиков А.Ю., Кузьмин В.С., Ноев К.Ю., Гаврильев С.П. үтүө дьыала аахсыйатын ыыттылар.

Тэрээһини нэһилиэк уопсай мунньаҕын быһаарыытынан булт уопсастыбатын салайааччыта, Ис дьыала бэтэрээнэ Кондаков П.Д. көҕүлээтэ. Аҕалар уонна ыччат өйөөтүлэр.

Төһө да тымныы күн буоллар, МТЗ-82 тыраахтарынан кэрийэ сылдьан, биир туонна рулуоннаах оту быһыта сынньан тарҕаттылар. Мастары быһыта эрбээн хорууда оҥорон, 400 киилэ уотурбаны уонна эбиэһи куттулар, 50 киилэ брикеттээх тууһу уурталаатылар.

Туртастар суоллара элбэх. Дьэр нэһилиэгин көхтөөх дьоно атын нэһилиэктэр олохтоохторун эмиэ маннык үтүө хамсааһыҥҥа, аахсыйаҕа кыттыһыҥ диэн ыҥырар.

Санатан эттэххэ, тохсунньу ыйга Хаҥалас улууһун тулалыыр айылҕа харыстабылын уопсастыбаннай иниспиэктэрэ Сергей Землянскай туртастары аһатыыга биир дойдулаахтарын кыттыһалларыгар ыҥырбыта. Уопсастыбаннай иниспиэктэр ыҥырыытын хаҥаластартан ураты, Сахабыт сирин атын улуустарын олохтоохторо эмиэ өйөөбүттэрэ.

Ааптар: Уйбаан УЙГУУРАП, https://ulus.media/2020/02/11/derder-turtastary-a-attylar/

Следите за самым важным и интересным в Telegram-канале и WhatsApp-группе ЯСИА