Дьарҕаалаахха сүрүн суолталаах, өр күүтүллүбүт киин хочуолунай тутуллан үлэҕэ киирдэ. Бу күннэргэ бастакы холбонуута буолла.
Дьарҕаалаах саҥа хочуолунайыгар оскуолалар, спортивнай саала о.д. холбоннулар. Кэлэр сылга эбии эбийиэктэр, ыаллар холбонуохтара диэн мэктиэлииллэр.
Хочуолунай салайааччытынан Валерий Петрович Петров ананна. Хачыгаардарынан уопуттаах, эппиэтинэстээх дьону ыллылар: С.П.Слепцов, М.Е.Сотрудников, Г.Г.Петров, сантехник В.В.Юмшанов, дробильщик Н.Н.Баишев, тырахтарыыс М.Б.Стручков үлэлэрин саҕалаатылар. Эбийиэктэргэ сыбаарка үлэтин К.Е.Стручков, В.А.Перевалов ыытыллар.
«Дьарҕаалаах нэһилиэгин олохтоохторун аатыттан бу сүҥкэн суолталаах эбийиэги туппут, оҥотторбут, туруорсубут дьоммутугар, ОДьКХ үлэһиттэригэр махталбытын этэбит! Хочуолунайбыт этэҥҥэ алдьаммакка үйэлээхтик үлэлии турдун!«, — диэн баҕа санааларын дьон-сэргэ тириэртэ.
Ааптар: Марта Горохова, Эбээн-Бытантай улууһа
