29 Кулун тутар 29.03
  • -13°
  • $ 92,26
  • 99,71

Дьахталлар өлөрүүнү кистээбиттэр

18:36, 15 апреля 2018
Текст:
Читайте нас на
Яндекс Новости
ЯДВ

Булуҥ улууһугар икки дьахтар ыар буруйу кистээбит холуобунай дьыалалара суут мунньаҕар көрүллэн, бириигэбэр тахсыбыт.


Суут быһаарбытынан, 2017 сыл алтынньы ыйыгар М. диэн гражданин итирик туруктаах сылдьан, кыыһырбыт уоҕар В. диэн киһини төбөтүн үлтү сынньан баран, подъезка таһааран бырахпыт. Бу эрэйдээх онно сытан, тыына быстыбыт…

Маныаха Ч. уонна А. диэн дьахталлар буруйдаах киһиэхэ көмөлөстөҕө аатыран, бу ураты ыар буруйу кистиир сыалтан, өлүгү уонна тохтубут хааны сууйбуттар. Ол кэнниттэн үһүөн түүн өлүгү салааскаҕа тиэйэн, А. диэн дьахтар теплицатыгар илдьэн кистээбиттэр.

Суут кинилэри буруйдаахтарынан билинэн, Ч. диэн дьахтары 1 сыл 3 ыйга көҥүлүн быһары усулуобунайынан ааҕан, 1 сыл 6 ый тургутар болдьоххо уурбут. Онтон А. диэн дьахтары 1 сылга көҥүлүн быһары усулуобунайынан ааҕан, 1 сыл 3 ыйгатургутар болдьоххо уурбут.

Оттон киһини кырбаан өлөрбүт М. диэн сууттанааччы 8 сылга кытаанах эрэсиимнээх холуонньаҕа көҥүлэ быһыллыбыт.

Бириигэбэрдэр сокуоннай күүстэригэр киирбиттэр.

Бу туһунан СӨ Борокуратууратын пресс-сулууспата иһитиннэрдэ.

Биһиги корр., «Саха сирэ» хаһыат, edersaas.ru

Следите за самым важным и интересным в Telegram-канале и WhatsApp-группе ЯСИА