СӨ тыатын хаhаайыстыбатын министиэристибэтэ ыытар аукционун ааhан, былырыын Дьааҥыга «Талба Таба» диэн кэпэрэтиип тэриллибитэ. Аҕыйах ахсааннаах төрүт омук табаттан ылыллар бородуксуйаны оҥорон таһаарыынан дьарыктанар. Соторутааҕыта база үлэhиттэрэ Усуйаана улууhуттан 400 былырыыңңы табаны аҕаллылар.


Дьааҥытааҕы таба ыстаадатын салайааччыта Валерий Куличкин кэпсээбитинэн, Табалаах сиригэр Хатырыкка тутуллубут таба ыстаадатын базата ааспыт сайын оңоһуллубут. Онно Усуйаанаттан таба аҕалаары, олунньуга түөрт буолан табалар кэлэр суолларын оҥорбуттар. Силээннээхтэр табалары Дьааҥы кыраныыссатыгар диэри аҕалан, туттарбыттар. Табалары сынньата-сынньата 440 килэмиэтири сатыы хаамтаран аҕалбыттар.

Куличкин министиэристибэҕэ, Дьааңы улууhун дьаhалтатыгар, оройуон тыатын хаhаайыстыбатыгар өйөбүллэрин, улахан көмөлөрүн иhин «Талба Таба» кэпэрэтиип аатыттан махтанар.

«Үс сылы быhа киирсэн туруоруммут былааммыт туолуута — бу бары үлэбит түмүгэ.
Ааспыт сайын базабытыгар хараал, дьиэ туттубуппут, түөрт үлэhиттээхпит: икки табаhыт, бухгалтер уонна мин. Табалар туруктара үчүгэй. Бу айаммытыгар улуус тыатын хаhаайыстыбата бурааннарбытыгар 30-ча буочука уматыгынан хааччыйда», — диир кини.

Тыа сиригэр аналлаах бырагыраамлар олоххо киирэллэриттэн, Дьааҥы оройуонугар
хаhаайыстыбалар элбииллэр.

Сигэн:

0
0

Хоруй суох

Хоруйдаа

Лимит времени истёк. Пожалуйста, перезагрузите CAPTCHA.