Балаҕан ыйын 21 — 22 күннэригэр Дьааҥы улууһугар II норуоттар икки ардыларынааҕы форум чэрчитинэн, Арктикаҕа орто профессиональнай үөрэхтээһини сайыннарар сыаллаах Ил Түмэн депутата Феодосия Габышева салайааччылаах бөлөх үлэлээтэ.


Бөлөх «Арктика» үлэһит каадырдары бэлэмниир кииҥҥэ, Баатаҕайдааҕы култуура, спорт киинигэр, «Тымныы чыпчаала» мусуойга сырытта. Маны таһынан, улуус педагогтарын кытары көрсөн, баар кыһалҕалары иһиттэ, инники үлэни торумнаата. Үрдүкү кылаас үөрэнээччилэрин кытары идэни талыы, үөрэххэ туттарсыы туһунан боппуруостары кэпсэттэ.

Маны таһынан, үлэ бөлөҕө «Тымныы чыпчаала» СХПК дириэктэрин Е. А. Портнягинаны кытары көрүстэ. Олохтоох бородууксуйаны оҥорон таһаарыы промышленнай кэскилин, Арктикаҕа инвестиционнай дьыаланан дьарыктанарга докумуоннары хомуйсалларыгар сүбэлээтилэр.

Сигэн:

0
0

Хоруй суох

Хоруйдаа

Лимит времени истёк. Пожалуйста, перезагрузите CAPTCHA.