29 Кулун тутар 29.03
  • -13°
  • $ 92,26
  • 99,71

Дьааҥы күнүн-дьылын туругун Билгэ Барылас биллэрэр

10:43, 17 января 2020
Текст:
Читайте нас на
Яндекс Новости
ЯДВ

Дьааҥы олохтооҕо Билгэ Барылас күн-дьыл туругун өссө 2008 сылтан кэтээн көрүүнэн дьарыгырар. Быйылгы сылбыт хайдах-туох кистэлэҥнэри, соһуччу түгэни бэлэхтиирин туоһуластыбыт. «Тохсунньу ортотуттан саҕалаан, биир нэдиэлэ сылаас былыттаах күннэр тураллара күүтүллэр», — диир кини.


Билгэ Барылас этэринэн, тохсунньу ый 22 күнүттэн, олунньу ый 1 күнүгэр дылы бүтэһик тымныылар күүтүллэллэр, кыраадыс 55°С тиийбэт.

Оттон олунньу ый 2 күнүттэн, олунньу ый 6-гар дылы бүтэһик улахан тымныылар түһэллэрин, 50°С өнүйбэтин чопчу билгэлиир.

Олунньу ый 9 күнүттэн, олунньу ый 19 күнүгэр дылы күнүһүгэр сымнаһыар салгыннаах, түүнүгэр тоҥоруулар күүтүллэлэр.

Сылгыhыт Дмитрий: «Билгэ Барылас сааһын тухары илдьэ сылдьар аатын мин биэрбиппиттэн үөрэбин. Бигэтик эрэллээхтик ити аатын илдьэ сырыттаҕына Дархан Билгэ да диэн ааттаныа диэн эрэл баар. Уолбут инникилээх ыччат», — диэн киэн туттар.

Мантан ыла ый ахсын Дьааңы күнэ-дьыла иhиллиэ. Ааспыт сайын ардах, кураан буоларын истэ олорон тыа отчут-масчыт дьоно Билгэ Барылас боругунуоhун «бэркэ туһалаата» дэhэллэр.

2008 сыллаахха от ыйын бүтэһигэр күстээх, хаһан да буолбатах ардахтар түһэллэрин туhунан эрдэ сэрэппитэ. Ол эрээри ону аахайыллыбакка, улахан мотуок содулугар түһэн кыһалҕаламмыппыт. Бу түгэн олохтоох билгэhит кэтээн көрүүтэ чахчытын бигэргэтэр.

Дьааҥы сирэ Саха сирин биир улахан киэҥ иэнннээх улууһунан аатырар, ол иһин күн туруга, илин эҥэр, Бүлүү бөлөх улуустарыттан улахан уратылаах, төһө да барыллаан этиини араадьыйаннан эттэхтэринэ, сорох арыт сөп түбэспэт.

«Биhиэхэ сылгыhыттарга ханнык дьыл кэлэн иһэрэ, томороон тымныылар, сайыҥҥы, күһүҥҥү кун-дьыл билгэтэ иhиллэ олороро учугэй«, — диэн сылгы ииттэр уолаттар
Иван Горохов, Геннадий Потапов, Ростислав Слепцов, Эдуард Слепцов кэпсииллэр.

Дьааңыга быйылгы кыhыңңы тымныылар хайа да сыллардааҕар уhуннук турдулар. Биир кэм бурҕаат быыhынан фараларын сырдаппыт массыыналар айанныыллар, харахтара эрэ көстөр гына сирэйдэрин бааммыт дьон хаамсаллар.

Күнү-дьылы билгэлээһини, былыргы өбүгэлэрбит сылыктааһыннарын, өр кэмҥэ Дьааҥыга үлэлээбит политсыылынайдар үлэлэригэр, Худяков, Серошевскай суруйууларыгар ордук сөптөөхтүк сурулларын Билгэ Барылас этэр.

Мантан антах кун-дьыл туругун туhунан олохтоох билгэhит биллэрэ олоруоҕа уонна «Бу Дьааҥы сылгыһыттарыгар, тыа хаһаайыстыбатынан дьарыктанааччыларга, бучуттарга ордук туһалаах буоларыгар эрэллээхпин», — диир .

Ааптар: Раиса ЧИРИКОВА, Дьааҥы улууһа

Следите за самым важным и интересным в Telegram-канале и WhatsApp-группе ЯСИА