29 Кулун тутар 29.03
  • -10°
  • $ 92,26
  • 99,71

Дьааҥы элбэх оҕолоох Слепцовтарыгар массыына бэлэхтээтилэр

15:17, 12 марта 2018
Текст:
Читайте нас на
Яндекс Новости
ЯДВ

Дьааҥыга олорор, элбэх оҕолоох Слепцовтар дьиэ кэргэттэрэ судаарыстыбаттан массыына бэлэх тутан үөрдүлэр-көттүлэр. Кинилэр “УАЗ” массыына күлүүһүн СӨ Үлэ, социальнай сайдыы миниистирэ Александр Михеев илиититтэн туттулар.


Людмила Дмитриевна уонна Александр Христофорович 11 оҕолоохтор. Олортон 2-тэ устудьуон, 8-һа үөрэнээччи уонна 1 уһуйаан иитиллээччитэ. Иллээх дьиэ кэргэҥҥэ бу көмө улахан төһүү буолара саарбаҕа суох. Хоту дойдуга атах тардыстарга, таһаҕаһы тиэйэргэ, дьону таһарга “уазик” бэйэтин көрдөрбүт, эрэллээх, бэртээхэй массыына буоллаҕа. Онон ыал аҕа баһылыга миниистиргэ улаханнык махтанна. Слепцовтар элбэх оҕолоох ыал сиэринэн, судаарыстыбаттан көрүллэр бары көмөнү — Ийэ хапытаалын икки көрүҥүн, сир учаастагын, босуобуйалары, о.д.а. ылан олороллор. Ону тэҥэ Людмила Дмитриевна Дьоруой Ийэ буоллаҕына, 1 мөлүйүөн солк. ылыан сөп.

СӨ бырабыыталыстыбатын 2012 сыл алтынньы 22 күнүнээҕи 461 N-дээх уурааҕынан, уонтан элбэх оҕолоох (иитэ ылбыт буолуон сөп) дьиэ кэргэттэргэ тырааныспар атыылаһалларыгар судаарыстыбаннай социальнай көмө оҥоһуллар. Ирдэбил быһыытынан, ыал оҕолоро бары сокуоннай саастарын ситэ илик буолуохтаахтар, арай, улахан оҕо устудьуоннуур буоллаҕына, 23 сааһын туола илик буолуохтаах.

Социальнай көмөнү биирдэ харчынан биэрэллэр, кээмэйэ сыл аайы индексацияланан, улаатан иһэр. 2018 сылга маннык көмө кээмэйэ 695 707 солк. тэҥнэстэ.

2012 сылтан билиҥҥэ диэри маннык судаарыстыбаннай социальнай көмөнү 32 дьиэ кэргэҥҥэ биэрбиттэр, ол иһигэр 2018 сылга 5 ыал ылбыт.

Следите за самым важным и интересным в Telegram-канале и WhatsApp-группе ЯСИА