Үөһээ Дьааҥы Алыһардааҕар 120/75 миэстэлээх оскуола-оҕо саадын тутуохтара. Бу туһунан Ил Дархан уонна бырабыыталыстыба пресс-сулууспата иһитиннэрэр.
Алыһардаахха оҕо үөрэҕин тэрилтэтин тутуу боппуруоһун бырабыыталыстыба отчуотун кэмигэр көтөхтүлэр. Билиҥҥи туругунан оскуола турар миэстэтэ быһаарыллыбыт, бырайыак оҥоһуллубут.
Отчуокка Арктика уонна аҕыйах ахсааннаах норуоттар министиэристибэлэрин туһунан ыйыттылар. «Министиэристибэ арктическай оройуоннары РФ Арктикатын сайыннарыы бырагырааматыгар киллэрэргэ улахан үлэни ыытар», – диэтэ миниистири солбуйааччы Михаил Погодаев.
Саха сирин министиэристибэлэрин бырагырааматыгар Артиканы сайыннарыы салаалара киирэн биэрилэр. 2024 сылга диэри ону үбүлээһин 36 миллиард солкуобайга тэҥнэһэр. Арктика министиэристибэтин бырагырааматыгар 109 мөлүйүөн солкуобай МФЦ уонна да атын социальнай эбийиэктэри тутууга көрүллэр.
