Чычымахтар саҥа балыыһаланнылар

0
99

Кэлиҥҥи сылларга тыа сиригэр социальнай суолталаах эбийиэктэр тутуллуулара элбээтэ. Ол курдук, ааспыт сылга өрөспүүбүлүкэ үрдүнэн 10 оскуола, 12 оҕо саада, 13 култуура дьиэтэ, 1 орто анал үөрэх, 3  спорт уонна физическэй култуура эбийиэктэрэ тутуллан үлэҕэ киллэриллибиттэрэ.  Онтон бу күннэргэ Таатта Чычымаҕар амбулатория дьиэтэ аһыллыбытын туһунан edersaas.ru сурулунна.


Балыыһалары тутууга улахан болҕомто ууруллар. 2016 сылга 6 фельдшерскэй-акушерскай пуун тыа сиригэр тутуллубута. Доруобуйа харыстабылын салаатынан өссө даҕаны тутуу ыытыллара күүтүллэр.

Бу күннэргэ Таатта Чычымаҕар амбулатория дьиэтэ тутуллан үөрүүлээх быһыыга-майгыга арыллыбытын туһунан улуус дьаһалтатын исписэлииһэ Анна Яковлева иһитиннэрдэ. Бүгүҥҥү туругунан, нэһилиэккэ 700-тэн тахса киһи олорор. Улуус кииниттэн 60-ча килэмиэтир тэйиччи баар буолан, ыарыһахтар Ытык Күөлгэ киирэллэрин ыарырҕаталлар. Онон саҥа балыыһаланан абыраннылар.

0
0

Хоруй суох

Хоруйдаа