Мугудай нэһилиэгин ыччата 40 куһу спонсордаан, биэнсийэлээх дьону түмэн, Ньукуолун күнүн кинилэри кытта бииргэ бэлиэтээтилэр.
Оттон «Биир ньыгыл Россия» партия барыллаан куоластааһынын күнүгэр улуус киинигэр «Сибэкки күнүн» тэрийбиттэр.
Итиэннэ Арыылаахха Аҕа түмсүүтүн көҕүлээһининэн «Булчут кутаата» буолбут. Нэһилиэк кусчуттара бултуур кыаҕа суох кырдьаҕас ыаллары кэрийэ сылдьан кус түҥэппиттэр.
— Онон Арыылаахха биир да ыал ордубакка, Ньукуолун күнүн бары кус этин амсайан көрүстүбүт, — дииллэр уопсастыбанньыктар.
