Чурапчы улууһугар бөх уматар оһох үлэҕэ киириэ. Баһылык Андрей Ноговицын иһитиннэрэринэн, билигин Рязанскай уобалас исписэлиистэрэ оһоҕу таҥыы бүтэһик түһүмэҕэр сылдьаллар. Бу туһунан СИА улуус дьаһалтатын пресс-сулууспатыгар сигэнэн, суруйар.
ОДьКХ министиэристибэтин сонун бырайыага бастакытын Чурапчы улууһугар холонор. Оһох кытаанах бөҕү уматарга аналлаах. Сылга 1000 – 50 000 куб. миэтэрэҕэ тиийэ бөҕү уматар кыахтаах. «Өскөтүн оһох үчүгэйдик үлэлиирин көрдөрдөҕүнэ атын улуустар ыраах сытар нэһилиэктэригэр туруоруохтара», — диир Андрей Ноговицын.
Билиҥҥитэ маннык оһох Жатай бөһүөлэгэр ситиһиилээхтик үлэлии турар.
