28 Кулун тутар 28.03
  • -11°
  • $ 92,59
  • 100,27

Чурапчы улууһун олохтоохторо Ивановтар "Арассыыйа бастыҥ эдэр ыала" ааты ыллылар

14:01, 07 декабря 2020
Текст:
Читайте нас на
Яндекс Новости
ЯДВ

“Бастыҥ дьиэ кэргэн” Бүтүн Арассыыйатааҕы куонкурус түмүгүн федеральнайдааҕы “ОТР” ханаалга ахсынньы 6 күнүгэр таһаардылар. Чурапчыттан Ивановтар дьиэ кэргэттэрэ “Бастыҥ эдэр дьиэ кэргэн” аатын ыллылар, https://edersaas.ru/ivanovtar/ суруйар.


Пандемия кэмэ буолан, куонкуруска үгүс кыттааччы дьиэлэриттэн кэлбэтэх. Сорохтору видеоҕа устан, сюжет көрдөрдүлэр.

“Кыһыл көмүс дьиэ кэргэн”, “Тыа сирин бастыҥ ыала”, “Элбэх оҕолоох дьиэ кэргэн”, о.д.а. хас биирдии номинацияҕа араас эрэгийиэннэртэн сүүрбэччэлии кыайыылаах баар. Кинилэри Лев Лещенко, Диана Гурцкая, Стас Пьеха уо.д.а. Арассыыйа үтүөлээх артыыстар ыллаан эҕэрдэлээтилэр. Үөрүүлээх кэнсиэри биллэр артыыстар Илона Броневицкая уонна Александр Олешко иилээн-саҕалаан ыыттылар.

Бастыҥ ыаллары Федерация Сэбиэтин наукаҕа, култуураҕа, үөрэҕириигэ кэмитиэтин бэрэссэдээтэлэ Лилия Гумирова, ыарахан балаһыанньаҕа түбэспит оҕолору өйүүр пуонда бэрэссэдээтэлэ Марина Гордеева уо.д.а. эҕэрдэлээн тыл эттилэр. Онно: “Дьиэ кэргэн – Арассыыйа сүрүн баайа, уопсастыба тирэҕэ. Хас биирдии дьиэ кэргэн туспа устуоруйалаах, ыарахаттары туоруур ньымалардаах, ситиһиигэ сирдиир эркээйилэрдээх”, — диэн этилиннэ.

“Бастыҥ дьиэ кэргэн” Бүтүн Арассыыйатааҕы куонкурус 5 сыл устата ыытыллыбытыгар 1200 дьиэ кэргэн кыттыбыта биллэр.

Следите за самым важным и интересным в Telegram-канале и WhatsApp-группе ЯСИА