Чурапчы Мындаҕаайытыгар уотурба оҥорон саҕалыахтара. Дьоҕус собуот дьиэтэ, тэрилэ бэлэм. Бу туһунан улуус пресс-сулууспата иһитиннэрэр.
«Мындаҕаайы» ТХПК сүөһү иитиитинэн, этинэн, үүнээйи олордуутунан дьарыктанар. Былырыыҥҥыттан кооперативка саҥа бэрэссэдээтэл — Александр Мохначевский ананан үлэлиир. Кини быйылгы кыстык этэҥҥэ ааспытын, урут ылыллыбыт племенной сүөһү ахсаана элбээбитин иһитиннэрэр. Билиҥҥитэ 140 тарбыйах төрөөбүтүн, өссө да 40 ынах төрүөхтээҕин эттэ.
Сыана ыарыы турарынан, кэлии уотурба мэлдьи үчүгэй хаачыстыбалаах буолбатынан кооператив быйылгыттан бэйэ уотурбатын оҥорон саҕалыырга санаммыт. Александр Мохначевскай собуот туруохтаах дьиэтин, уотурбаны оҥорор тэрили улуус баһылыгар Андрей Ноговицыҥҥа көрдөрдө.
