РФ-ҕа судаарыстыбаннай сулууспаны сүрүннүүр федеральнай сокуоҥҥа дойду президенэ Владимир Путин уларытыылары киллэрдэ. Уларытыылар биир үксүн салайааччыларга, көмөлөһөөччүлэргэ (сүбэһиттэргэ), үрдүк уонна кылаабынай бөлөхтөр специалистарыгар эбии ирдэбиллэри олохтуур.
От ыйын 1 күнүттэн бу дуоһунастарга бакалавриаты бүтэрбит үөрэхтээх дьон үлэлиир кыахтара хаарчахтанар. Кинилэр сатабыллаахтара, уопуттаахтара, үлэҕэ дьоҕурдаахтара аахсыллыбат. Чунуобунньук буолар туһугар мантан ыла магистр таһыма ирдэниллэр.
Бу уларытыы муниципальнай сулууспалаахтарга сыһыана суох.
«Федеральнай сокуон от ыйын 1 күнүттэн ыла күүһүгэр киирдэ. Киирбит уларытыы 1996 сыл атырдьах ыйын 29 күнүгэр диэри үрдүк үөрэҕи ылбыттарга, ону таһынан сокуон күүһүгэр киириэр диэри бакалавриакка үөрэммиттэргэ дьайбат», — диэн СИА-ҕа каадыр политикатын департаменын салайааччыта Андрей Мартынов эттэ.
2003 сылтан ыла Россия Болонскай процесска холбоспута. Ол чэрчитинэн, икки цикыллаах үөрэх киирбитэ: барыллааһын (бакалавриат) уонна выпускной (магистратура). Бастакы үс сылтан итэҕэһэ суох кэмҥэ салҕанан барар (Россияҕа түөрт). 2011 сылтан ыла Россия үрдүк үөрэҕин кыһаларыгар бакалавриакка үөрэтэллэр.
