29 Кулун тутар 29.03
  • -14°
  • $ 92,26
  • 99,71

Чульмаҥҥа баһылыкка быыбар түмүктэннэ

08:06, 22 февраля 2016
Текст:
Читайте нас на
Яндекс Новости
ЯДВ

Нерюнгри оройуонун Чульман бөһүөлэгэр баһылыгы талыы быыбарын күнэ бэҕэһээ киэһэ 8 чааска түмүктэннэ. Барыта биэс быыбардыыр учаастак үлэлээтэ, барыллаан түмүгү таһаарда. 


Барыта 3399 быыбардааччы кыттыыны ылла. Ити уопсай быыбардааччы ахсаанын 49,56% ылар.

Барыллаан ааҕыы түмүгүнэн, бэйэтэ туруоруммут  Сталик Дерягин (47,6%), «Биир ньыгыл Россия» политическай партия туруорбут кандидата Вячеслав Нам (31,27%) куолаһы хомуйдулар. Атыттар 7% да кыайан ылбатылар. «Барыларын утарабын» диэн графаны 9,33% быыбардааччы талла.

«Биир ньыгыл Россия» партия Саха сиринээҕи толорор кэмитиэтин салайааччыта Дмитрий Никифоров: «Быыбар олус киирсиилээхтик ааста. Быыбардааччы кыттыытын көрдөрүүтэ үрдүк. Бөһүөлэк быыбарын убаастыыбын. Бэйэбит кандидаппытыгар Вячеслав Намҥа уонна олохтоох отделениеҕа быыбар хампаанньатын кэмигэр үлэлэрин иһин махталбын биллэрэбин«.

Бу туһунан «Биир ньыгыл Россия» партия пресс-сулууспата иһитиннэрэр. 

Следите за самым важным и интересным в Telegram-канале и WhatsApp-группе ЯСИА