Бүлүү улууһун Чочу нэһилиэгэ дьон сынньалаҥын тэрийиигэ, төрөөбүт дойдулара кэрэхсэбиллээх буоларыгар араас тэрээһини ыытар. Кэрэ аҥардар күннэрин көрсө «Кулун тутар 8 күнэ» диэн ааттаах хаартыскаҕа түһэр миэстэ тэрилиннэ.


Сыдыбылга киирии аартыгар бизон пааматынньыга баар. Дьоһуннаах эбийиэк историята да чаҕылхай. Ол курдук, 1886 сыллаахха манна Саха сирин үрдүнэн аан бастаан бизон муоһа булуллубута. Ураты булумньу Ярославскай аатынан музей арыллыытыгар маҥнайгы экспонат быһыытынан туруоруллубута. Билигин «Дедушка музея» диэн бочуоттаах ааттаах харах харатын курдук хараллан турар.

«Бизон пааматынньыга — биһиги киэн туттуубут буолар. Олус харыстыыбыт. Манна уларыйа турар хаартыскаҕа түһэр миэстэни тэрийэбит. Холобур, Саҥа дьылга ыччаттар муус трон оҥорбуттара. Оттон билигин олохтоох кулууп кэлэктиибэ тэрийдэ. Нэһилиэкпит кэрэхсэбиллээх буолуутугар үлэлиибит, туризмы сайыннарыыга ылсар дьаһалларбытыттан биирдэстэрэ буолар«, — диэтэ баһылык Петр Догоюсов.

Манна ким баҕалаах кэлэн хаартыскаҕа түһэр кыахтаах.

Сигэн:

2
0

Хоруй суох

Хоруйдаа

Лимит времени истёк. Пожалуйста, перезагрузите CAPTCHA.