29 Кулун тутар 29.03
  • -11°
  • $ 92,26
  • 99,71

Чиэрскэйгэ күн-дьыл туруга балысханнык уларыйда

11:57, 09 декабря 2016
Текст:
Читайте нас на
Яндекс Новости
ЯДВ

Чиэрскэйгэ +8 кыраадыс ахсынньы 8 күнүгэр бэлиэтэннэ. Кэлиҥҥи уон сылга күн-дьыл туруга маннык сылыйа илигэ.


Аллараа Халыма улууһун олохтоохторо күн-дьыл туруга балысханнык уларыйыытыгар элбэхтэ түбэһэллэр: сороҕор тохсунньу бүтүүтэ салгын 0 кыраадыска диэри тиийэр, ардыгар олунньуга сааскылыы сылаас буолар. Тохсунньу саҥатыгар салгын +4 — +6 кыраадыска диэри сылыйбыта, ардах түспүтэ диэн кэлиҥҥи уон сылга суоҕа.

Халымаҕа порлярнай түүн кэмигэр соҕуруулуу-арҕаа күн сырдыга көстөрө, оттон хоту диэки халлаан күп-күөҕүнэн күндээрбитэ, хаста да ардах таммахтара таммалаабыттара.

Ити суолга мууһу, чалбаҕы үөскэттэ. Чиэрскэй бөһүөлэгин баһылыга Алексей Марков этэринэн, суолу уонна уулуссалары куппуттар. Онон кыһалҕа улахана суох. Бу содула суоҕун тустаах сулууспалар этэллэр. Походскай уонна Халыма, Андрюшкино сэлиэнньэлэригэр тымныы күннэр тураллар, күүстээх тыаллаах.

Халлаан биллэ сылыйыыта ордук табаһыттары долгутар. Мантан сылтаан кинилэр көһө сылдьар хайысхаларын уларытарга күһэллэллэр. Табалар үгүстэрэ мууһурбут сиргэ лабыкталарыгар тиийэр кыахтара суох. Төһө да кэккэ миэрэлэр ылыллыбыттарын иһин, сүтүк тахсар.

Кыһыҥҥы суол аһыллар болдьоҕор бу эмиэ быһаччы дьайар. Былырыын баччаларга Чиэрскэй-Халыма уонна Чиэрскэй-Походск хайысхаларынан 3 тоннаҕа диэри ыйааһыннаах массыыналар сылдьар эбит буоллахтарына, билигин кыһыҥҥы суолу аһар эрдэ. Өрүстэргэ, күөллэргэ уу сытар.

Синоптиктр этэллэринэн, Аллараа Халымаҕа кыһыҥҥы күн-дьыл кэлиэҕэ.

Следите за самым важным и интересным в Telegram-канале и WhatsApp-группе ЯСИА