Аллараа Халыма улууһун Черскай бөһүөлэгэр саас аэропорду саҥардан оҥоруу-тутуу саҕаланар, суруйар RosTender.info.
«Аэропорты Севера» федеральнайдааҕы тэрилтэ тендер биллэрдэ. Черскэйдээҕи аэропорт эбийиэгин тутар-таҥар үлэтин толорууга. Сакаасчык — салгын тырааныспарын Федеральнайдааҕы ааҕыныстыбата. Тендергэ кыттыан баҕалаахтартан докумуоннары муус устар 22 күнүгэр диэри ылаллар, муус устар 29 күнүгэр түмүк тахсар.
Аэропорду саҥардыыга 2 млрд 185 мөл солк федеральнайдааҕы бюджеттан тыырар былааннаахтар. Уларытан тутууга аэродром балаһатын аныгы оборудованиенан саҥардыы эмиэ киирэр.
