Саха Республикатын быыһыыр сулууспата чараас мууска сэрэхтээх буолууну сэрэтэр. Исписэлиистэр иһитиннэрэллэринэн, муус халыҥа 15 см. ордук буоллаҕына биирдэ туоруурга куттал суох буолар.
Түргэн сүүрүктээх, сир анныттан тэбэр уулаах, оттоох уонна сылаас уу түһэр сирдэринэн муус ордук чараас буолар.
Муус алдьанан, ууга түстэххинэ:
— Уолуйума, хамсаныма, биир тэҥник тыына сатаа;
— Икки илиигин уһаты уунан муустан тутуһа сатаа, сүүрүк хоту сыт;
— Мууска сэрэнэн умса сыт, атаххын муус үрдүгэр биир-биир таһаар;
— Муус уйар буоллаҕына, кытыл диэки бытааннык сыылын;
— Мууһунан киирбит сириҥ диэки сыылын.
Туораттан көмө оҥорор киһиэхэ сүбэ:
— Мууска олус сэрэнэн, сыылан тиийэр ордук;
— Көмөҕө баран эрэргин, киһи санаатын бөҕөргөтө таарыйа, хаһыытаан биллэр;
— 3-4 м. хаалбытын кэннэ илиигэр туох баарын (быа, мас, саал былааты уо.д.а.) быраҕан биэр.
