РФ тутууга министиэристибэтэ 2020 сылга биэс субъекка чааһынай дьиэни тутууга пилотнай бырайыак  киллэрэр туһунан эппитэ. Ол иһигэр Саха сиригэр эмиэ. Регион тустаах министиэристибэтигэр эппиттэринэн, өрөспүүбүлүкэ бырайыак саҕаланна да этиилэрин киллэриэҕэ. 


«Өрөспүүбүлүкэ бырабыыталыстыбата, бырайыак үлэтин саҕалаата да, этиилэри бэлэмниэҕэ. Бастатан туран, инженернай инфраструктура боппуруостарын быһаарыахха наада», —  диэн СИА-ҕа министиэристибэҕэ эттилэр.

Саха сиригэр, Россия көрдөрүүтүгэр холоотоххо, чуолаан инженернай инфраструктураны тутууга ороскуоту көрсүү улахан кыһалҕанан буолара бэлиэтэннэ. Холобур, билигиҥҥи суоттааһынынан Дьокуускайга, Нерюнгрига, киин уонна илин эҥэр улуустарыгар чааһынай дьиэ кыбаарталларын тутууга аҥардас инфраструктуратыгар 10,6 млрд солк тахса суума ирдэнэр.

Чааһынай дьиэни тутууга биирдиилээн дьоҥҥо ипотека баара этилиннэ. Манна бааннар уонна тутааччылар икки ардыларыгар сыһыаннарыгар болҕомто күүһүрүөхтээх. Чуолаан киилэртэн бырайыак көдьүүһэ биллэр.

 

0
0
comments powered by HyperComments