29 Кулун тутар 29.03
  • -14°
  • $ 92,26
  • 99,71

Быыбардааччылары харыстанар сириэстибэлэринэн хааччыйыыга үлэ саҕаланна

11:02, 16 июня 2020
Текст:
Читайте нас на
Яндекс Новости
ЯДВ

Конституцияҕа көннөрүүлэри киллэриигэ куоластааһыҥҥа быыбардыыр хамыыһыйа үлэһиттэрин, быыбардааччылары хааччыйар сыалтан, тус харыстанар сириэстибэлэри улуустарга тириэрдэллэр. Бу бэс ыйын 25 күнүттэн от ыйын 1 күнүгэр диэри буолар быыбарга коронавирус инфекциятын тарҕаппат туһугар ылыллыбыт дьаһал, диэн суруйар СИА.


СИА-ҕа өрөспүүбүлүкэ киин быыбардыыр хамыыһыйатын бэрэссэдээтэлин солбуйааччыта Александр Власов иһитиннэрбитинэн, бу күннэргэ олоҕу-дьаһаҕы хааччыйар судаарыстыбаннай кэмитиэт тус харыстанар сириэстибэлэри тиксэрэр.
Барыта быыбардыыр учаастактарынан тарҕаныаҕа. Куоластааччылары биирдэ туттуллар уруучуканан, харыстыыр мааскаларынан уонна бэрчээккэлэринэн хааччыйыахтара.
«Быыбар биир сүрүн соругунан, бу күн суолталаах дьаһалга кыттааччылар доруобуйаларыгар куттал суоһаабатын хааччыйыахтаахпыт. Бу быыбардыыр хамыыһыйалар чилиэттэрэ уонна быыбардааччылар буолаллар. Ирдэнэр барыта ылылынна — мааскалар, бэрчээккилэр, халааттар, сирэйи харыстыыр экраннар. Маны сэргэ термометрдар, антисептическай сириэстибэлэр, санитайзердар», — диэтэ кини.
«Куоластааччыларга анаан бакыаттары бэлэмнээтибит, онно уруучука, мааска, бэрчээки киирэр. Өскөтүн куоластааччы туга да суох кэлбит буоллаҕына, тута киниэхэ ити бакыат туттарыллар. Социальнай дистанция ирдэбилэ эмиэ көрүллэр», — быһааран эттэ Власов.
Следите за самым важным и интересным в Telegram-канале и WhatsApp-группе ЯСИА