Күһүүр сэлиэнньэтигэр таас оскуола тутуута саҕаламмыта үһүс сыла. Ыам ыйын ортото буолла. Тутуу ханнык таһымҥа турарын СИА-ҕа тутуу биригэдьиирэ Гурген Давинян кэпсээтэ.
Биригээдэ тутууга ылыммыт былаанын толорор иннигэр улэлии сылдьар. Күһүн уу суола сабыллыар диэри оскуола дьиэтин хара үлэтин, көҥдөйүн бүтэрэн, кырыыһатын сабыахтаахтарын, дьиэ тас штукатурката түмүктүөхтээхтэрин кэпсээтэ. «Кэлэр сылга ис үлэтин бүтэрэн күлүүһү туттарар баҕалаахпыт. Билигин үлэбитигэр наадалаах матырыйаал барыта баар. Өрүс кытылыттан 300 куб. м. кумах бэлэмнээн тиэйэн таһаардыбыт», — диэн кэпсиир биригэдьиир.
Тымныы күннэр кыратык мэһэйдээтэллэр да, үлэ ньиргиччи барар. Үлэлиир усулуобуйалара олохтоох дьаһалта көмөтүнэн тэриллибит. Эт, балык ас толору. Асчытынан олохтоох Надежда Аммосова үлэлиир, киниэхэ үлэһиттэр махталларын биллэрэрллэр.
Сайын уу суолунан эбии ас-таҥас, штукатурдар уонна сварщиктар кэлиилэрин күүтэллэр. Кырыыса сабыытыгар олохтоох дьону көмөлөһүннэриэхтэрэ. Электричество уотун тардыыга олохтоох электрик көмөтө улаханын бэлиэтииллэр.
Улахан күүтүүлээх таас оскуола тутуута бүгүҥҥүтэ итинник.
