Үөрэх уонна наука миниистирэ Владимир Егоров «Көдьүүстээх интервью», телебиэриигэ эппитинэн, БКЭ-ни туттарыы сүрүн түһүмэҕэ оннунан хаалла. 


«Биир кэлим эксээмэни (ЕГЭ) уонна выпустуур эксээмэни (ГВЭ) туттарыы болдьоҕун уларытар туһунан информация суох», — диэтэ миниистир Владимир Егоров.

Кини бэлиэтээбитинэн, Рособрнадзор информациятынан, эрдэтээҥи ЕГЭ уонна ГВЭ туттарыыта сүрүн болдьох кэмигэр көһөрүлүннэ. Онон сибээстээн, Саха сиригэр 2020 сыл кулун тутар 28 күнүгэр диэри үөрэх управлениелара эрдэтээҥи туттарааччылары хат регистрациялааһыны ыыталлар.

«БКЭ-ни эрдэтээҥи туттарааччылар эксээмэн туттарыытын күнэ-дьыла уларыйыытынан сайабылыанньа суруйуохтарын наада. Муус устар 1 күнүгэр диэри хат регистрациялааһын ыытыллыа уонна бары сүрүн түһүмэх кэмигэр туттарыахтара», — диэтэ миниистир.

БКЭ туттарыытын сүрүн түһүмэҕэ ыам ыйын 25-тэн бэс ыйын 29-с күннэригэр диэри ыытыллыаҕа.

0
0

Хоруй суох