29 Кулун тутар 29.03
  • -10°
  • $ 92,26
  • 99,71

БКЭ араспысаанньатын бырайыага таҕыста

15:01, 22 мая 2020
Текст:
Читайте нас на
Яндекс Новости
ЯДВ

Бэҕэһээ дойду бэрэсидьиэнэ Владимир Путин биир кэлим эксээмэн (БКЭ) Арассыыйа үрдүнэн биир болдьоҕунан барарын иһитиннэрдэ. Бэс ыйын 29 күнүттэн саҕаланарын эттэ.


Рособрнадзор саайтыгар эксээмэн араспысаанньатын бырайыага таҕыста, суруйар edersaas.ru
Маҥнайгы күн – бэс ыйын 29 күнүгэр үс эксээмэн (география, литэрэтиирэ, информатика) тэҥинэн буолуохтара.
Оҕо барыта туттарар нуучча тылыгар эксээмэни икки бөлөххө араардылар. От ыйын 2 уонна 3 күннэригэр туруорбуттар.
От ыйын 6 күнүгэр — математика, от ыйын 9 күнүгэр — история, физика, от ыйын 13 күнүгэр — обществознание, химия, от ыйын 16 күнүгэр – биология, омук тылыгар эксээмэн (суругунан чааһа), от ыйын 18 уонна 20 күннэригэр омук тылыгар (тылынан чааһа) буолуохтара.
Тустаах араспысаанньа бырайыак эрэ буолар, бүгүҥҥүтэ бигэргэнэ илик. Эксээмэн эрэсиэрбэҕэ күннэрэ эмиэ көрүллэллэрэ этиллибит.
Эрдэ этиллибитин курдук, быйыл биир кэлим эксээмэни үрдүк үөрэххэ туттарсар эрэ оҕолор туттараллар. Аттестаты сыллааҕы сыаналарынан туруоран биэриэхтэрэ.
Коронавирус аччаата эрээри, өссө даҕаны уҕарыйа илик. Онон эксээмэннэр туох баар санитарнай-эпидемиологическай ирдэбили тутуһан ыытыллыахтара диэн суруллар докумуоҥҥа.
Следите за самым важным и интересным в Telegram-канале и WhatsApp-группе ЯСИА