“Биир ньыгыл Арассыыйа” тиэргэннэри тупсаран оҥорууга субсидияны оннунан хаалларарга этии киллэрдэ

Регионнарга бэриллэр субсидияны биэрии бэрээдэгин оннунан хаалларарга, итиниэхэ биир тыһыынчаттан элбэх нэһилиэнньэлээх дьоҕус нэһилиэктэр уонна элбэх кыбартыыралаах дьиэлэр тиэргэннэрин тупсарыыга үбү көрөр туһунан “Биир ньыгыл Арассыыйа” этии киллэрдэ.

Бу туһунан партия Генеральнай сэбиэтин сэкирэтээрэ Андрей Турчак баартыйа быыбар иннинээҕи бырагырааматын олоххо киллэриини хонтуруоллуур хамыыһыйа мунньаҕар эттэ.

Андрей Турчак регионнааҕы бырагыраамаларга 212 тыһыынча тиэргэн киирбитин, итинтэн 40 тыһыынча кэриҥин быйыл тупсарыахтаахтарын санатта. “Баартыйа регионнарга субсидияны биэрии билиҥҥи бэрээдэгин оннунан хаалларарга этии киллэрэр, федеральнай субсидияны элбэх кыбартыыралаах дьиэлэр тиэргэннэрин тупсаран оҥорууга, ону тэҥэ тыһыынчаттан тахса нэһилиэнньэлээх нэһилиэнньэлээх пууннары тупсаран оҥорууга бэриллиэхтээх”, — диэтэ Турчак.

“Ыраас дойду” баартыйа саҥа бырайыагын үлэтин хайысхатын  мунньахха сиһилии ырыттылар. Турчак этэринэн, баартыйа бырайыага бөх сыбаалкаларын содулларын туоратыы, хаачыстыбалаах иһэр уу, бырамыысыланнас тэрилтэлэрэ салгыны киртитиилэригэр сыһыаннаах боппуруостарынан дьарыктаныахтаах.

Бүддьүөккэ көҕүлээһиннэргэ тохтоон, кини “Биир ньыгыл Арассыыйа” бары таһымнаах дьокутааттарын дьону кытта көрсөн дьүүллэһэллэригэр ыҥырда. “Гражданнар федеральнай бүддьүөтү оҥорууга кыттыахтаахтар, регионнааҕы уонна олохтоох бүддьүөттэргэ эмиэ. Ол аата дьокутааттар дьоҥҥо, быыбардааччыларга чугаһыахтаахтар”, — диэтэ кини.

0
0