2019 сылга Саха сирин хаһаайыстыбаларыгар 162 төбө таба баар. 100-тэн тахса хаһаайыстыбаҕа 1300 киһи үлэлиир.
Саха сиригэр саҥа «Эдэр табаһыт» бырайыак үлэтин саҕалыа. Арктика зонатын уонна аҕыйах ахсааннаах хотугу норуоттар социальнай-экономическай сайдыыларыгар анаммыт регион судаарыстыбаннай бырайыакка олоҕурар. 35 саастарыгар диэри эдэр табаһыттар олорор дьиэлэрин усулуобуйатын тупсарыыга биир мөлүйүөн солк. көрүү. Бу туһунан ТАСС-ка СӨ Арктика сайдыытыгар уонна хотугу норуоттар дьыалаларыгар миниистири солбуйааччы Михаил Погодаев эттэ.
«Биһиги эдэр табаһыттары өйүөхтээхпит. Бу эйгэҕэ кадр боппуруоһугар кыһалҕалар бааллар. 2020 сылга 35-гэр диэри саастаах табаһыттар дьиэлэрин усулуобуйаларын тупсаралларыгар биир мөлүйүөн солк биэриэхпит. Усулуобуйа быһыытынан, табаһыт региоҥҥа үлэлиэхтээх, итиэннэ биэс сыл үлэлээбит буолуохтаах диэн. Ити эрээри үлэлээбит сылын биир сылга диэри диэн уларытарбыт буолуо», — диэтэ Михаил Погодаев.
Бырагыраама эдэр табаһыкка дьиэ туттарыгар эбэтэр иккис ырыынакка атыылаһарыгар кыаҕы үөскэтиэ.
«Ыччат дьоммут бас билэр дьиэлэрэ суох. Үгүс киһи табаһыттар сиртэн сиргэ көһө сылдьар курдук өйдөбүллээхтэр, ити эрээри бу көһүү буолбатах, үйэлэргэ сааһыламмыт үлэ маршрута. Хаһан, ханна тиийэллэрэ биллэр. Судаарыстыбаннай бырагыраама чэрчитинэн, табаһыттар көһөн тиийэр сирдэригэр дьиэлэр тутуллаллар, үлэ усулуобуйатын тупсарар сыалтан. Үгүстэр бириһиэн балааккаларга олороллор, дьиҥэр, тыйыс кыһыҥҥа табаһыт дьиэ кэргэнин олорор усулоубйата сөпкө быһаарыллыахтаах», — диэн эбэн эттэ Погодаев.
