29 Кулун тутар 29.03
  • -13°
  • $ 92,26
  • 99,71

Биир дойдулааҕын COVID-19 сутуйбут эдэр киһи эмсэҕэлээччигэ хоромньутун төнүннэрдэ

Читайте нас на
Яндекс Новости
ЯДВ

Усуйаана оройуонун борокуратуурата суукка холуобунай дьыала тэрийэн ыытта. Олохтоох киһи пандемия кэмигэр көрүллүбүт «самоизоляция» эрэһиимин тутуспатах. СИА-ҕа биэдэмистибэ пресс-сулууспата иһитиннэрэр.


РФ Сэбилэниилээх күүстэриттэн демобилизацияламмыт эдэр киһи Саха сиригэр Хабаровскайтан сөмөлүөтүнэн көтөн кэлбит. Киин куорат аэропордугар Дьокуускайга самоизоляция эрэһиимин ааһыахтааҕын туһунан докумуон тутар. Анаалыс ылаллар.

Ити эрээри О. ирдэбили тутуспакка, салгыы Усуйаана улууһун Депутатскайыгар айанныыр. Онно тиийбитигэр анаалыһын түмүгүнэн коронавирустааҕа биллэр.

Эдэр киһи бэйэтин дьайыытынан Усуйаана улууһун дьоно-сэргэтэ коронавируһынан сутулларыгар кутталы үөскэтэр. Кини самоизоляция эрэһиимин кэһэр, эбиитин Дьокуускай — Депутатскай бииргэ айаннаабыт киһитин сутуйар.

Уорбаланааччы буруйун толору билинэр. Кэмсинэрин биллэрэр, ыалдьыбыт киһиттэн бырастыы гынарыгар көрдөһөр, дьаҥынан көрсүбүт хоромньутун төннөрөр.

Онон эмсэҕэлээччи уонна борокуруор сөбүлэҥнэринэн, силистийэлээччи суукка холуобунай ирдэбили тохтотор туһунан ходатайство оҥорор, онон суут ыстыраабынан түмүктүүр миэрэ көрүллэригэр этии киллэрэр.

Билигин хомуллубут дьыала суут көрүүтүгэр киирдэ.

Следите за самым важным и интересным в Telegram-канале и WhatsApp-группе ЯСИА