29 Кулун тутар 29.03
  • -14°
  • $ 92,26
  • 99,71

Биэс уонна онтон элбэх оҕолоох ыаллар дьиэлэрин тупсарыналларыгар 350 мөл солк көрүлүннэ

17:33, 28 января 2020
Текст:
Читайте нас на
Яндекс Новости
ЯДВ

2019 сыллаахха «Биэс уонна онтон элбэх оҕолоох ыал дьиэтин тупсарынарыгар» бырагыраама быһыытынан 118 дьиэ кэргэҥҥэ биир кэмнээх көмө оҥоһуллубута. Быйыл бу сыалга эмиэ 350 мөл.солк көрүлүннэ диэн, СИА иһитиннэрэр. 


«Судаарыстыбаттан көмө оҕо төрөөтөҕүнэ төлөбүр биэриинэн эрэ мууҥурдаммат. Биллэн турар, оҕолоох дьиэ кэргэттэр дьиэнэн хааччыллыыларыгар болҕомто ууруллар. Бу сылга биэс уонна онтон элбэх оҕолоох ыаллар дьиэлэрин тупсарыналларыгар анаммыт  бырагыраама сүрүн суолтаны ылар. Былырыын Ил Дархан быһаарыытына, уопсайа 350 мөл.солк суумалаах көмөнү 118 ыал ылбыт буоллаҕына, быйыл үбүлээһин суумата хатыланар», — диэн эттэ үлэ уонна социальнай харалта миниистирэ Елена Волкова.

Биэдэмистибэ мунньаҕар кини муниципалитеттар салайааччыларыгар туһаайан дьиэлэрин тупсарынарга наадыйар ыаллар учуоттарын толорууну хонтуруолга ылалларыгар эттэ.

Санатар эбит буоллахха, былырыын Айсен Николаев бырагыраама үбүлээһинин 350 мөл.солк диэри улаатыннарбыта. Биир ыалга тиксэр өлүүтэ 2 мөл 659 тыһ солк саҕалаан, 5 мөл солк диэри, дьиэ кэргэн састаабытттан тутулуктаах.

Следите за самым важным и интересным в Telegram-канале и WhatsApp-группе ЯСИА