Бэс ыйын 28 күнэ — аан дойдутааҕы Түмэт урбаанын күнэ (ааҥл. Social Business Day). Түмэт урбаанньыттар бастыҥ соруктара — тус бэйэ байыыта буолбакка, уопсастыба сайдыытыгар, ордук сиэрдээх буоларыгар туһуланар, тиийиммэт-түгэммэт дьоҥҥо көмөлөһүү буолар.
🔹1569 — Люблиннааҕы уния түһэрсиллибит, Польша уонна Литва холбоспуттар. Нуучча Саарыстыбатын утары сэриигэ кыайтаран иһэр Улахан Литва Княжествота Польша Королевствотын кытта бииргэлэспит уонна түмүгэр сэриини кыайбыт. Ол туһугар Украинаҕа бас билэр киэҥ сирдэрин Польшаҕа биэрбит.
🔹1733 — Хаһаах полковнига Борис Серединин Саха сирин бойобуодатынан анаммыт. Кини бу солоҕо 1733 сыл ахсынньы 28 күнүгэр дылы сулууспалаабыт.
🔹1743 — Майор Иван Остяков Саха сирин бойобуодатынан анаммыт. Кини бу солоҕо 1743 сыл балаҕан ыйын 19 күнүгэр дылы сулууспалаабыт.
🔹1754 — Коллежскай асессор Иван Лесли Саха сирин бойобуодатынан анаммыт. Кини бу солоҕо 1759 сыл тохсунньу 1 күнүгэр дылы сулууспалаабыт.
🔹1911 — Эгиипэккэ Нахла диэн сиргэ Маарстан кэлбит метеорит түспүт. Бу метеорикка уу уонна органика сылыктара бааллара биллибит.
🔹1914 — Серб националиһа Гаврило Принцип Австро-Венгрияҕа император буолуохтаах эрцгерцог Франц Фердинанды өлөрбүт, бу Аан дойду бастакы сэриитин саҕалыырга сылтах буолбут.
🔹1919 — Версааллааҕы сөбүлэҥ түһэрсиллибит, Аан дойду бастакы сэриитин бүтүүтэ.
🔹1933 — Москубаҕа сыгааннары тутан хаайыы уонна атын сиргэ көһөрүү саҕаламмыт (5 эшелонунан 5470 киһини Арҕаа Сибииргэ депортациялаабыттар).
🔹1940 — Сэбиэскэй сэриилэр Бессарабияҕа (билиҥҥи Молдова) уонна Хотугу Буковинаҕа (билигин Украина сорҕото) киирбиттэр. Бу сирдэри ССРС Румынияттан былдьаабыта. Румыния бастаан мобилизация биллэрэн сэриилэһээри гынан баран биэрэргэ күһэллибитэ.
🔹1945 — Горькайдааҕы массыына собуотугар «Прбеда» массыынаны таҥыы саҕаламмыта.
🔹1967 — Израиль Илиҥҥи Иерусалимы аннексиялаабыт. Бу Иерусалим куорат сорҕотун 1948 сыллаахха Трансиордания диэн Британия протектората (кэлин тутулуга суох буолбута уонна Иордания диэн ааттаммыта) былдьаабыта. Илиҥҥи Иерусалим үгүс олохтоохторо билигин да Израиль гражданствотын ылбакка олороллор. Аан дойду судаарыстыбалара Иордания да, Израиль да аннексияларын билиммэтэхтэрэ.
Төрөөбүттэр:
🔸1577 — Петер Паул Рубенс, уруhуйдьут.
🔸1712 — Жан Жак Руссо төрөөбүт, Франция, философ уонна публицист.
🔸1940 — Мухаммад Йунус, Бангладеш банкира, экономика профессора, микрокредит уонна микрофинанс сайыннарбытын иһин Нобель эйэ бэриэмийэтин 2006 сыллааҕы лауреата.
🔸1944 — Пальмира Петрова, CӨ билимин үтүөлээх диэйэтэлэ, мэдиссиинэ билимин дуоктара, профессор.
🔸1956 — Лилия Винокурова, дьахталлар оруолларын чинчийэр учуонай, устуоруйа билимин хандьыдаата.
Өлбүттэр:
🔹1928 — Иннокентий Сивцев — Мытыйыкы (1870 төр.) — XIX бүтүүтүгэр, XX үйэ саҥатыгар үөскүү сылдьыбыт дэгиттэр талааннаах саха киһитэ. Ордук худуоһунньук, иконописец, таҥара дьиэтин тутааччы быһыытынан биллэр, географияҕа уонна кыраайы үөрэтиигэ сыһыаннаах чинчийиилэрэ сыдьааннарын архыыбыгар харалла сыталлар.
https://sah.wikipedia.org/wiki/Мухаммад_Йунус
https://sah.wikipedia.org/wiki/Петер_Паул_Рубенс
https://sah.wikipedia.org/wiki/Бэс_ыйын_28
https://sah.wikipedia.org/wiki/Аан_дойдутааҕы_Түмэт_урбаанын_күнэ
https://sah.wikipedia.org/wiki/Сивцев_Иннокентий_Иванович_-_Мытыйыкы
https://sah.wikipedia.org/wiki/Серединин_Борис
https://sah.wikipedia.org/wiki/Остяков_Иван_Яковлевич
https://sah.wikipedia.org/wiki/Версааллааҕы_сөбүлэҥ
https://sah.wikipedia.org/wiki/Жан-Жак_Руссо
https://sah.wikipedia.org/wiki/Петрова_Пальмира_Георгиевна
https://sah.wikipedia.org/wiki/Винокурова_Лилия_Иннокентьевна
