19 Кулун тутар 19.03
  • -12°
  • $ 91,98
  • 100,24

Бэрэсидьиэн болдьоҕо суох салайара олохтоммот (үһү)

10:40, 22 февраля 2017
Текст:
Читайте нас на
Яндекс Новости
ЯДВ

Сымыйа сымыйаны күөртүүр

Аныгы үйэҕэ сонуну киэҥник тарҕатар электроннай сириэстибэлэр уопсастыбаҕа сабыдыаллара күн-түүн күүһүрэр. Тарҕатыллар информация нөҥүө дьон-сэргэ хардатын, санаатын, наадыйыытын эрдэттэн сылыктаан, хайдах быһыы-майгы үөскүөҕүн билгэлээн, дьон санаатын салайыы СМИ-лэр кыахтарын иһинэн буолла диэн edersaas.ru таҕыста.


Ол иһин бүгүн Интэриниэттэн харыыта суох кутуллар информация халҕаһатын быыһыгар туох да чахчыга олоҕурбатах, төрүкү сымыйа сонуннар холоруктана күөрэйтэлээн ылаллар. Олору сорох сайтар киксиинэн, тус сыалларын ситиһэр инниттэн соруйан, дьон санаатыгар оонньоон, бутуйар, өрүкүтэр туһуттан араастаан киэптээн таһаараллар.

Оннук биир “сонуну” бу күннэргэ дойду биир улахан ааҕыныстыбатын аатыгар чугаһатыллан ИНТЕРСАКС (Интерфакс буолбатах) дэммит сайт Интэриниэт ситимигэр тибиилии типтэ. Онно этиллэринэн, Судаарыстыбаннай Дуума 2018 сылга талыллыахтаах РФ бэрэсидьиэнэ болдьоҕо суох салайарын олохтуур туһуттан Арассыыйа Төрүт Сокуонугар уларытыылары киллэриини көҕүлээбит курдук. Дуума салалтатыгар сигэммитэ буолан, “Биир ньыгыл Арассыыйа” баартыйа чилиэннэрэ Арассыыйа Федерациятын бэрэсидьиэнин дуоһунаһыгар биир киһи төһө баҕарарынан өр олоруон сөп диэн этиини туруорсалларын эппиттэр. Итиннэ анал ыйытык түмүгэр дойду олохтооҕун 86 бырыһыана РФ бэрэсидьиэнэ үйэтин тухары салайарын кытта сөбүлэһэрин биллэрбит үһү. Бу “сонуну” айааччылар күлүүнү-оонньууну сөбүлүүр бадахтаахтар: нэһилиэнньэ хаалбыт 14 бырыһыана ыйытыгынан хабыллыбата диэн көнөтүнэн билиммиттэр.

Маннык хабааннаах уонунан, сүүһүнэн “сонуннар” күннэтэ араас сайтарынан тарҕаналлар. Олор сыаллара-соруктара биир – дьон уйулҕатыгар уһун кэмҥэ дьайан, уопсастыба санаатын бутуйан, сыыһа өйдөөһүнү олохтоон бэйэ тус сыалын ситиһии.

Манна даҕатан эттэххэ, аҕыйах сыллааҕыта Москва оскуолаларыгар хаһыаты, сайты “сөптөөхтүк” ааҕарга үөрэтиэхтэрэ диэн иһитиннэрбиттэрэ. Ол, биллэн туран, үчүгэй олохтон буолбатаҕа чахчы.

Следите за самым важным и интересным в Telegram-канале и WhatsApp-группе ЯСИА
Тутаах тыллар