Бэрдьигэстээҕи Сэмэн Данилов аатынан оскуола 2 «а» кылааһын салайааччыта Анна Алексеева көҕүлээһининэн, Кыайыы болуоссатыгар «Эйэ сибэккилэрэ» диэн бырайыгынан, 555 маҥан петуньялары олортулар.
Сибэккилэринэн «Игры Манчаары» диэн суруллуохтаах. Санатан этэр буоллахха, Анна Алексеева маҥнайгы кылааска киирбит оҕолорунаан Кыайыы болуоссатыгар ааспыт сыл күһүнүгэр 28 хатыҥы олордубуттара. Бу кинилэр бастакы улахан бырайыактара этэ.
«Манчаары оонньууларыгар уонна улууспут төрүттэммитэ 90 сылыгар анаан, үтүө дьыалаҕа кыттыһан, олунньу 1 күнүттэн сибэккибитин олордон саҕалаабыппыт. Манна төрөппүт кэмитиэтин бэрэссэдээтэлэ Майя Прокопьева уонна Елена Андреева салалталарынан күргүөмнээх үлэ ыытылынна. Үөрэнээччилэрим төрөппүттэринээн бары көхтөөхтүк кытынныллар«, — диэтэ учуутал.
Кини эппитинэн, хас биирдии дьиэ кэргэн сибэккилэрин бүөбэйдээн, көрөн-истэн үүннэрбиттэр. Бары биир дьиэ кэргэн курдук түмсүүлээх, эйэлээх буолан, улахан ыарахаттары көрсүбэккэ, сибэккилэрбитин таска олордубуттар, суруйда Аэлита Андреева https://www.instagram.com/silatrudagorny/
