Бүгүн, алтынньы 11 күнүгэр, Аан дойдуга кыргыттар күннэрэ бэлиэтэнэр. «Бу күнү кэрэ куолар тэҥ бырааптаналларын туһугар анаабыттара, сүрүн болҕомто онно ууруллар«, — диэн быһаараллар Горнай улууһун олохтоохторо.


Бүгүн «Үлэ күүһэ» хаһыат редакциятын үлэһиттэрэ Бэрдьигэстээх бөһүөлэгин кэрэчээн кыргыттарын эҕэрдэлээтэ. Кэрэ куолар бары бу күн баарын билэллэрин, оскуолаҕа араас тэрээһиннэр ыытыллыбыттарын кэпсээтилэр.

Афанасий Осипов аатынан орто оскуола үөрэнээччилэрэ Исландияҕа хоту дойдулар норуоттарын экологическай форумнарыгар кыттан баран, билигин дьиэлэригэр айаннаан иһэллэр. Кинилэр бу чааска Рига куораттан биир саастыылаах дьүөгэлэрин видеосибээс нөҥүө эҕэрдэлээтилэр.

«Сибэкки кэриэтэ кэрэчээн кыргыттарбыт, хас күн аайы олоххут сырдыгынан сыдьаайдын, эһиги үрдүгүтүгэр халлааңңыт өрүү эйэлээх, ыраас буоллун», — диэн ийэлэр, аҕалар кыргыттарыгар алгыстарын тириэртилэр.

Бикипиэдьийэттэн ыспыраапка: Бу күн 2012 бэлиэтэнэр. Сүрүн болҕомто кыргыттар тэң бырааптаах, үөрэхтээх, социальнай, медицинскэй өттүнэн көмүскэллээх буолууларыгар туһуланар. Маннык күн халандаарга баар буолуутун, ООН Генеральнай Ассамблеятыгар Канада дьахталлар дьыалаларыгар миниистирэ Рона Эмброуз туруорсубут.

Ааптар: Күннэй Алексеева, Горнай улууһа

2
0
comments powered by HyperComments