Бэҕэһээ бырабыыталыстыба бэрэссэдээтэлин бастакы солбуйааччы Михаил Осипов дьону приемнаата.
Хаҥалас улууһун Ой сэлиэнньэтин урбаанньыта Михаил Осиповка бэйэтин кэтэх оҕо саадын үлэтин туһунан кэпсээтэ уонна 1,5 мөл солкуобай суумалаах үлэҕэ бизнес-былаанын көрдөрдө. Бу дьахтар урбаанньыттарга туох көмө оҥоһулларын ыйыталаста. Михаил Осипов Үөрэх министиэристибэтигэр бу урбаанньыкка сиһилии сүбэлииллэригэр сорудахтаата.
Михаил Осиповка Аҕа дойду Улуу сэриитин бэтэрээнэ кэлэн, “Бэтэрээн” табаарыстыбаҕа 49 дьиэҕэ гааһы киллэриигэ көмөлөһөрүгэр туруоруста. Бу үлэни ыытарга 2,2 мөл солк ирдэнэр.
”Бу үлэ кэлэр сылга кыаллар кыахтаах. Дьокуускай куораты кытта төһө үп наадатын ааҕыахха наада”, — диэтэ Осипов.
Үһүс киһи Саха сирин киин өттүгэр Кангалаастааҕы энерготехнологическай таас чох комплексын тэрийэр баҕалааҕын эттэ. Бу киһи бырайыагын истэн баран, Михаил Осипов кэскиллээх диэн быһаарда.
Көрсүһүү түмүктэниитигэр Осиповка бырамыысыланнас эдэр исписэлииһэ киирэ сырытта. Кини өрөспүүбүлүкэҕэ кырыылыыр кластер сайдыытын интэриэһиргээтэ. Бырабыыталыстыба бэрэссэдээтэлин бастакы солбуйааччы кинилиин анаан көрсүһүөҕэ.
Михаил Осипов маннык тэрээһиннэри тиһиктээхтик ыытарга эттэ.
СИА.
Артемий Грошев хаартыската
