2020 сыл балаҕан ыйын 19 уонна 27 күннэригэр өр күүтүллүбүт ат сүүрдүүлэрэ буолуохтара, бу туһанан СИА-ҕа АГАТУ пресс-сулууспата иһитиннэрэр.
Балаҕан ыйын 19 күнүгэр Улуу Кыайыы 75 сылыгар аналлаах күрэхтэһии буолуоҕа.
Балаҕан ыйын 27 күнүгэр – Саха Өрөспүүбүлүкэтин Судаарыстыбаннаһын күнүгэр аттар биэтэккэ тахсыахтара. Бу манна Дерби, итиэннэ СӨ бырабыыталыстыбатын бэрэссэдээтэлин саха боруодаларыгар анаммыт бириистэрэ оонньонуохтара, итиэннэ СӨ тыатын хаһаайыстыбатын министиэристибэтин бирииһэ олохтонуоҕа.
Ат сүүрдүүтэ трибунаҕа көрөөччүтэ суох, туох баар ирдэнэр санитарнай нуорманы тутуһуннаран, ыытыллыаҕа.
НВК «Саха» ханаалынан көрүөххэ сөп.
