«Саха сирин тимир суоллара” акционернай хампаанньа балаҕан ыйын 15 күнүттэн Аллараа Бэстээх-Нерюнгри хайысханан айанньыттары күнүн аайы таһарын туһунан иһитиннэрэр. Билиэт атыыта саҕаламмыт.  


Нерюнгриттан буойас сарсыарда 9.20 мүн.хоҥнуо. Аллараа Бэстээххэ сарсыарда 5.00 ч.кэлиэ. Төттөрү 10.00 чаастан хоҥнор.

Айанньыттары сайыҥҥы кэмҥэ Дьокуускай өрүс вокзалыттан (3№-дээх причал) сарсыарда 7.15 мүн.таһыахтара. Трансфер сыаната 450 солкуобай. Манна катерынан, автобуһунан тимир суол станциятыгар диэри айан ороскуота киирэ сылдьар.

Айан билиэттэрин (трансфер иһин төлөбүрү кытта) www.rzd.ru саайтка эбэтэр Дьокуускай куорат, тимир суол вокзалын кассаларыттан ылыахха сөп.

Билиэти саайтан хайдах атыылаһыахха сөбүн туһунан, буойастар сылдьар кэмнэрин, билиэт сыанатын, таһаҕаһы тиэйии туһунан боппуруостары 8(4112) 31-80-81, доб. 7381(касса ж.д. вокзал Нижний Бестях), 8-924-879-58-07 билсиэххэ сөп.

Коронавирустан харыстанар миэрэлэри тимир суолларын бары эбийиэктэригэр тутуһалларын туһунан иһитиннэрэллэр.

Сигэн:

0
0

Хоруй суох

Хоруйдаа

Лимит времени истёк. Пожалуйста, перезагрузите CAPTCHA.