29 Кулун тутар 29.03
  • -13°
  • $ 92,26
  • 99,71

Байаан Баанньа

16:24, 06 июня 2018
Текст:
Читайте нас на
Яндекс Новости
ЯДВ

60-70 сылларга Чурапчы оройуонугар лаппа биллибит, “Байаан Баанньа дуо” дэттэрбит айылҕаттан талааннаах музыкант Иван Васильевич Федотов концертмейстер-баянист эрэ буолбакка, духовой оркестры тыа сиригэр тэрийбит, оскуола оҕолоругар үөрэтэн тэниппит педагог-учуутал быһыытынан биллибитэ.


Кини Дьокуускайга музыкальнай училищеҕа үөрэнэ киирбитэ. Манна труба кылааһыгар уонна баяҥҥа ситиһиилээхтик үөрэнэн, дойдутугар ­муусука учууталынан үлэлии кэлбитэ. Маҥнай интэринээт-оскуолаҕа, онтон Мугудай оскуолатыгар духовой оркестр салайааччытынан ордук таһаарыылаахтык үлэлээбитэ. Бу оскуолаҕа оччотооҕу тыа сиригэр суох бастыҥ оркестр баар буолбута. 1964 сыл Амма Соморсунугар И.Я.Строд 100 сылыгар анаммыт улахан үбүлүөйдээх ыһыахха Мугудайтан кини салалтатынан барбыппыт. Айаннаан иһэн култуурунай тохтобулларга духовой оркестр доҕуһуолунан үҥкүүлээбиппит. Арааһа, онно Амма эбэ хотун духовой оркестр ньиргиэрдээх тыаһын аан маҥнай “иһиттэҕэ” буолуо.

Чурапчы интэринээт-оскуолатыгар хас да сыл духовой оркестр куруһуогун үлэлэппитэ. Одьулууннааҕы 13-с №-дээх профтех училищеҕа баянист-хормейстер диэн икки сыллаах куурус баара. Онно 1970 сыллаахтан биэнсийэҕэ тахсыар диэри үлэлээбитэ. Манна өрөспүүбүлүкэ араас муннуктарыттан олус талааннаах оҕолор кэлэн үөрэммиттэрэ. Раиса Захарова, Нина Чигирева курдук СӨ үтүөлээх артыыскалара гостуруоллуу кэлэ сылдьан учууталларыгар анаан-минээн кэһиилээх-тутуурдаах дьиэтигэр кэлэн, махтанан барбыттара.

Егор СЕДАЛИЩЕВ.

Одьулуун, Чурапчы.

1

0
Следите за самым важным и интересным в Telegram-канале и WhatsApp-группе ЯСИА