Алтынньы 5 күнүгэр Үөһээ Дьааҥы улууһун Баатаҕай бөһүөлэгэр саҥа поликлиника сыбаайата уурулунна. Саҥа дьиэ урукку балыыһа таһыгар тутуллуоҕа.
2015 с. СӨ Ил Дархана Егор Борисов Дьааҥы улууһугар кэлэ сылдьан, терапия отделениета киһи хараастар туруктааҕын көрөн, саҥа балыыһаны тутар туһунан быһаарыыны ылыммыта. Балыыһа материальнай-техническэй базата улуус биир сүрүн кыһалҕатынан буолбута.
Поликлиника терапия уонна оҕо отделениелаах, 30 куойкалаах, биир сменаҕа 180 киһи доруобуйатын көрдөрүнэр буолуоҕа. Объект бырайыага 2015 с. «СӨ кэлэр көлүөнэтин тус сыаллаах фондата» кэммиэрчэскэйэ суох тэрилтэ «Содействие» бырагырааматынан оҥоһулунна.
Поликлиника тутуллуутугар өрөспүүбүлүкэ бюджетыттан 300 мөлүйүөнтэн тахса суума көрүлүннэ.
