30 Кулун тутар 30.03
  • -16°
  • $ 92,37
  • 99,53

Баатаҕай фотограба коронавирус дьаҥа этэҥҥэ ааһарын кэтэһэр

Читайте нас на
Яндекс Новости
ЯДВ

Баатаҕайга аныгы ирдэбилгэ толору эппиэттиир хаартыскаҕа түһэриинэн дьарыктанар устуудьуйа арылларын кэтэспит элбэх. Искусство биир ураты тыыннаах көрүҥүнэн үһүс сылын Николай Потапов ылсар, ыҥырыыга сылдьар фотограф.


Баатаҕай фотограба Николай Потапов ааспыт сылга уонча зонтик, бэрт ыарахан сыаналаах хаартыска түһэрэр аппарат, онно сыһыаннаах тэриллэри уонна бэркэ аатырар «Никон» диэн японскай фирма принтерин кэмпилиэгин сакаастаан, атыылаһан, билигин үлэ үөһүгэр сылдьар.

Николай идэтинэн геодезист. «Янгеологияҕа» уһуннук үлэлээбит, «Якутгеология» тэрилтэтигэр киирбитэ иккис сыла. Баччаларга геологтар биир ыйтан үс ыйга диэри сир баайын чинчийэллэрин, сири бэлэмнииллэрин, кыһынын бырайыактарынан, отчуот оҥоруутунан дьарыктаналларын кэпсиир. Үлэтин быыһыгар оҕо саадтарын, оскуола 4, 9, 11 кылаастарын оскуоланы бүтэрэр альбомнарын сакааска оҥорорун этэр. «Сакаастарын эрдэ соҕус биэрэллэрэ буоллар үчүгэй буолуох эбит. Барыта биир кэмҥэ түмүллэн хаалар», — диир.

Урут 80-с сылларга саха ыччата сойуус хайа баҕарар куоратын ханнык баҕарар үөрэҕин кыһатыгар киирэн үөрэнэрэ. Николай: «Армияҕа Читатааҕы ПВО чааһыгар сулууспалыам иннинэ нууччалыы адьас билбэт этим», — диэн күлэр. Армия кэнниттэн «Ханна үөрэнэ барыахха?» диэн биллэриини хаһыакка көрөөт, Свердловскай уобалас Сысерть куоратыгар тиийэн топографтары бэлэмниир училищеҕа үөрэммит.

Идэ ылан, 1981 сыллаахха Уралга тиийэн геологияҕа үлэлэбитит. Бу үлэ эйгэтин ис сүрэҕиттэн сөбүлээн, Ленин уордьаннаах Москватааҕы государственнай университет геодезия уонна картография факультетын «прикладня геодезия» идэтигэр үөрэммит.

«Оскуолаҕа үөрэнэр кэммэр дэҥ маслонан уруһуйдуурум, хаартыскаҕа да түһэрэрим, онон талан ылбыт идэм бэйэбэр чугас. Бииргэ төрөөбүт биэспит, икки балыстаахпын, уолаттартан ортокуларынабын. Сүөһү көрүүтэ, иитиитэ ыарахан үлэ – уута-хаара, ото-маһа. Төрдүс кылаастан оттообутум. Билигин тыа сиригэр аналлаах элбэх бырагыраама үлэлээн эрэрэ, тыа дьонугар өйөбүллээх буолуо. Сэттэ ииттэр сүөһүлээх, «Найбатай» диэн сирдээх этибит. Ийэбит Варвара Дмитриевна Юмшанова баарына аттыгар сылдьыбытым», — диэн оҕо сааһын ахтан ааһар.

Муспутун барытын фото-устуудьуйа тэриниитигэр анаабыт уоппуттаах геозидист –геолог Николай үрдүк таас хайалар көнө сирэйдэрин быыһыгар туран, ытыска уурбуттуу нэлэйэн көстөр ахтылҕаннаах аар тайҕатыгар бараары ыксыыр.

«Устуудьуйам хоһун Баатаҕайдааҕы култуура уонна спорт кииниттэн уларыстым. Тэринэ сылдьан, харантыын буолла. Коронавирус ааһарын күүтэбин. Элбэх үлэ мунньулунна«, — диир кини.

Следите за самым важным и интересным в Telegram-канале и WhatsApp-группе ЯСИА