Киэҥник биллэр Арассыыйа суруйааччыта Дмитрий Глуховскай бүгүн Дьокуускайга кэллэ. Муус устар 10 күнүгэр кини бүттүүн дьыктааҥҥа (Тотальный диктант — 2021) анаан суруйбут тиэксин ааҕыа.


Бүгүн киэһэ 18 ч. Дмитрий Глуховскай Уопсастыбаннай кииҥҥэ ааҕааччылары кытары көрсүө. Муус устар 9 күнүгэр суруйааччы «Точка кипения — Якутск» былаһааккаҕа Аартыка драматургтарын оскуолатын кыттыылаахтарыгар маастар-кылаас ыытыа.

Муус устар 10 күнүгэр Дмитрий Глуховскай А.Е. Кулаковскай аатынан норуоттар доҕордоһууларын дьиэтигэр бүттүүн дьыктааҥҥа бэйэтэ суруйбут тиэксин ааҕыа.

Дмитрий Глуховскай — суруйааччы, суруналыыс, сценарист, радио ыытааччыта, байыаннай корреспондент. Кини постапокалиптическай, мистическай, антиутопия романнар ааптардара. «Текст» диэн кинигэтинэн киинэ уһуллубута.

Бүттүүн дьыктаан Арасыыйаҕа 2011 сылтан ыытыллар. Кыттааччы ахсаана сылын аайы эбиллэн, бүтэһигин 236 тыһ киһи кыттыыны ылбыт. Уопсайа 81 дойдуга, 1200 куоракка ыытыллар.

Аартыка драматургтарын оскуолатын туһунан сиһилии манна ааҕыахха сөп https://yakutdramaschool.ru/.

Маастар-кылааска 89142610289 ватсап нүөмэринэн сурутуоххутун оттон интэриэһиргиир боппуруостаргытын dramarktik@bk.ru электроннай почтаҕа ыытыаххытын сөп.

Сигэн:

0
0

Хоруй суох

Хоруйдаа

Лимит времени истёк. Пожалуйста, перезагрузите CAPTCHA.