Амма Бөтүҥүн  «Мичээр» оҕо саада Саха сиригэр «Бастыҥ тыа сирин оҕо саада – 2018»  кыайыылаах аатын ылла.


Бөтүҥнээҕи «Мичээр» оҕо саада айымньылаах үлэтинэн уһуйааннар ортотугар өрөспүүбүлүкэтээҕи күрэххэ 10 бастыҥнар кэккэлэригэр киирдэ. Тэрилтэ 1957 сылтан 25 миэстэлээх арыллан  үлэтин саҕалаабыта.  Билигин 115  оҕо сайдар киинэ буола улаатта.

-Үлэбит биир сүрүн хайысхатынан оҕо доруобуйатын тупсарыы, чэбдигирдии, бэйэтин тэтимигэр толору сайыннарыы буолар. Бу хайысхаҕа ситимнээх үлэни ыытар өрөспүүбүлүкэтээҕи пилотнай оҕо саада буолабыт. Кэнники икки сылга «Кэнчээри» норматив ирдэбилин толорууга бастакы, иккис миэстэлэри ылабыт. «Эрчилэн» — 6 саастаах уолаттарга улуустааҕы күрэҕи алтыс сылын тэрийэн ыытабыт, — диэн кэпсиир сэбиэдиссэй Галина Яковлева.

Уⱨуйааҥҥа тɵрɵппүттэри кытта үлэ утумнаахтык ыытыллар. Эдэр аҕалар 25 миэстэҕэ уһуйаан дьиэтин тутуутун саҕалаабыттар. Уһуйааҥҥа хапсыбатах оҕолорго сүбэлиир-амалыыр киин үлэлиир. Кэллэктиип олус көхтөөх, нэһилиэккэ ыытыллар араас тэрээһиннэргэ инники күөҥҥэ сылдьар. Уһуйаан үлэһиттэригэр «Мичийэ» дьахталлар ансаамбыллара уонна «Талбаана» үҥкүү кэллэктиибэ тэриллэн араас куонкурустарга  кыттар.

Ааптар: Наталья Бубякина

0
0
comments powered by HyperComments