28 Кулун тутар 28.03
  • -13°
  • $ 92,59
  • 100,27

Бөтүҥ элбэх оҕолоох эдэр ыала тыа хаһаайыстыбатын талла

11:32, 25 октября 2016
Текст:
Читайте нас на
Яндекс Новости
ЯДВ

Нам улууһун Бөтуҥ нэһилиэгин 5 оҕолоох эдэр дьиэ кэргэнэ тыа хаһаайыстыбатын сайыннарыыга, саҥалыы көрүүгэ күннэтэ күүскэ үлэлэһэллэр. Дьиэ кэргэн далбар хотуна Анастасия Яковлевна Лукина быйыл Тыа хаһаайыстыбатын уонна аска-үөлгэ министиэристибэтин «Саҥа саҕалыыр фермер» гранын ылла.


Анастасия Лукина сүөһүнү элбэтэр, тыа хаһаайыстыбатыттан дохуот ылан дьиэ кэргэнин иитэр сыалтан бааһынай хаһаайыстыба тэриммитэ.

Грант көмөтүнэн 50 төбө киирэр хотонун үлэҕэ киллэрдэ. Хотон толору механизациялаах буолара былааннанар. Билиҥҥи туругунан этэҥҥэ сүөһүлэрин кыстыкка киллэрэн үлэлии-хамсыы сылдьар. Эбии биэс куурусса тутар.

«Үлэбин саҥа саҕалыырбар олус ыарахан этэ. Ханна, хайдах уонна туохтан саҕалаан бааһынай хаһаайыстыба тэринэрбин ыарырҕатар буолан толло саныырым. Ону кэргэним Альберт, нэһилиэгим баһылыга, тыа хаһаайыстыбатын исписэлииһэ өйөөннөр, көмөлөһөннөр санаабын бөҕөргөппүтүм. Дьарыкпын саҕалыырбар, үлэбэр-хамнаспар Саха Өрөспүүбүлүкэтин Тыатын хаһаайыстыбатын уонна аска-үөлгэ политикатын министиэристибэтин иһинэн үлэлиир Сүбэлиир-методологическай киин исписэлиистэрэ күүскэ көмөлөстүлэр: үбү-харчыны дьаһанартан саҕалаан, күннээҕи сүөһү көрөр дьарыгым мындырдарыгар тиийэ сүбэлииллэр. Быйылгы дьыл төһө да ыарахан буоллар, сүөһү кыстыыр аһылыгын толору хааччынан олоробут. Министиэристибэ иннигэр туруоруммут былааммын толорор былааннаахпын. Улуустааҕы тыа хаһаайыстыбатын салалтата өрүү туох баарынан көмөлөһөр», — диэн санаатын Анастасия үллэстэр.

Анастасия Яковлевна быйыл Дьокуускайдааҕы тыа хаһаайыстыбатын академиятыгар «Зоотехник» идэтигэр бастакы кууруска кэтэхтэн үөрэнэ киирдэ.

Следите за самым важным и интересным в Telegram-канале и WhatsApp-группе ЯСИА