«МТС» хампаанньа Бүлүү биэс улууһугар сибээс ханаалын 3,5 төгүл кэҥэппитин түмүгэр төлөпүөн интэриниэтэ муҥутуур күүһүрдэ. Бу туһунан СИА иһитиннэрэр.
Сибээһи тупсарыы Мииринэй-Сунтаар-Ньурба-Үөһээ-Бүлүү-Бүлүү улуустарын бары нэһилиэктэригэр барда. 53 тыһыынча Бүлүү бөлөх улуустарын олохтоохторо интэриниэт нөҥүө киинэ, онлайн-кэнсиэртэри, биэриилэри, үчүгэй хаачыстыбалаах муусуканы көрүөхтэрин, онлайн оонньуохтарын, Skype нөҥүө ыраах олорор дьоннорун кытары сирэй кэпсэтиэхтэрин, вебинардарга кыттыахтарын, социальнай ситимнэринэн толору туһаныахтарын сөп буолла.
«Түргэн интэриниэтинэн олохтоохтор телемедицина, госуслуга, үөрэх платформаларынан туһаныахтарын сөп буолла. Биһиги дьон төлөппүөн интэриниэтинэн толору туһаныахтарын баҕарабыт. Ол иһин ыраах да сытар нэһилиэктэргэ барыларыгар киллэрэ сатыыбыт», — диэн МТС Саха сиринээҕи филиалын салайааччыта Роман Фелиферов эттэ.
75 Мбит/с түргэннээх МТС интэриниэт сибээһинэн саха сирин 80% хааччылынна.
