29 Кулун тутар 29.03
  • -11°
  • $ 92,26
  • 99,71

Бүлүү Сосновкатыгар саҥа санитарнай нуорманан тутуллар эбийиэк 2021 сылга үлэҕэ киириэхтээх

10:01, 05 ноября 2020
Текст:
Читайте нас на
Яндекс Новости
ЯДВ

Бырабыыталыстыба бэрэссэдээтэлин солбуйааччы Ольга Балабкина сэтинньи 2 күнүгэр Бүлүү улууһун социальнай эбийиэктэригэр сырытта. Сосновка сэлиэнньэтигэр тутулла турар Кэт Марсден аатынан Бүлүүтээҕи психоневрологическай интэринээт дьиэтин көрдө.


Психоневрологическай интэринээт бастакы сыбаайата 2019 сыл ыам ыйыгар түһэриллибитэ. Билиҥҥи туругунан 3 этээстээх дьиэ көҥдөйө бүтэн турар, ис үлэтэ саҕаламмыт.

Тутуу болдьоҕуттан хаалыы суох.

РФ бырабыыталыстыбата 2019 сыллаахха 2 миллиард солкуобайы дойду үрдүнэн 17 психоневрологическай диспансеры тутарга ыыппыта. Саха сиригэр 264 мөлүйүөн солкуобай тыырыллыбыта.

Бүлүүтээҕи психоневрологическай интэринээт 150 миэстэлээх интэринээт куорпуһа 2021 сылга тутуллан киириэхтээх.

— Бүлүүтээҕи психоневрологическай киин куорпуһун саҥа дьиэтэ “Демография” национальнай бырайыак үбүгэр тутуллар. Ааспыт үйэ 30-с сылларыгар тутуллубут эргэ дьиэтэ көтүрүллүөхтээх. Ыалдьар дьон үчүгэй усулуобуйаҕа олоруохтаахтар. Бу дьиэ өрөспүүбүлүкэҕэ саҥа санитарнай нуормалары, ирдэбиллэри тутуһан тутуллубут бастакы дьиэ буолар, — диэн Ольга Балабкина иһитиннэрдэ.

Следите за самым важным и интересным в Telegram-канале и WhatsApp-группе ЯСИА