Быйыл Чернышевскай нэһилиэгин эдэр фермерэ Николай Корякин Чуондулу диэн сиргэ 5 гектарга олордубут хортуоппуйа өлгөм үүнүүнү биэрдэ. Фермер ватсап ситимигэр хортуоппуй хомууругар көмө наадатын туһунан биллэрии таһаарбытыгар, Бүлүү куорат Герой Н.С.Степанов аатынан 3 №-дээх оскуола үөрэнээччилэрин үлэҕэ туруннулар.
Бүлүү куорат Герой Н.С.Степанов аатынан 3 №-дээх оскуола президенэ, 10 «а» кылаас үөрэнээччитэ Даниель Евсеев көҕүлээһининэн, салалтатынан араас кылаастар үөрэнээччилэрэ, актыып баҕа өттүлэринэн бааһынаҕа тахсан көмөлөстүлэр.
Оҕолор Чинэкэҕэ диэри автобуһунан тахсан, фермер бааһынатыгар Чуондулуга тиийэн, хортуоппуй хомууругар үөрэ-көтө кытыннылар, элбэҕи үлэлээтилэр. Хомуур үлэтин кэннэ фермер оскуола үөрэнээччилэрин дьиэлэригэр тиэрдитэлээтэ, хортуоппуй биэрдэ.
Николай Корякин үс сыллааҕыта “Саҥа саҕалааччы фермер” гранын ылан, хортуоппуй үүннэриитинэн дьарыктанар.
Ааптар: Николай КУПРИЯНОВ, «Олох суола» хаһыат.
This post was published on 14.09.2018 13:55 13:55